2.0….లేడీ రోబోగా అమీ జాక్సన్ ఫస్ట్ లుక్ అదుర్స్!
రజనీకాంత్ హీరో భారీ చిత్రాల దర్శకుడు శంకర్ ప్రస్తుతం ‘2.0’ అనే సినిమా తెరకెక్కిస్తున్న సంగతి తెలిసిందే. గతంలో రజనీ-శంకర్ కాంబినేషన్లో వచ్చిన ‘రోబో’ చిత్రానికి ఇది సీక్వెల్ తరహాలో ఉంటుంది. అప్పట్లో వచ్చిన రోబో సినిమాలో కేవలం మగ రోబో మాత్రమే ఉంది. అయితే ఈ సీక్వెల్లో ఆడ రోబో కూడా అభిమానులను అలరించబోతోంది.
ఈ చిత్రంలో ఆడ రోబోగా అమీ జాక్సన్ నటిస్తోంది. తాజాగా ఆమెకు సంబంధించిన ఫస్ట్ లుక్ పోస్టర్ చిత్ర యూనిట్ బుధవారం రిలీజ్ చేసింది. ఈ ప్రపంచం కేవలం మనుషులది మాత్రమే కాదు… అనే క్యాప్షన్తో ఈ పోస్టర్ ఉండటం గమనార్హం.
2.0 సినిమాకు సంబంధించిన పాటల చిత్రీకరణ ఈ రోజు ప్రారంభం అయింది అంటూ…. దర్శకుడు శంకర్ తన సోషల్ మీడియాలో అమీ జాక్సన్ ఫస్ట్ లుక్ రిలీజ్ చేశారు. దీన్ని బట్టి సినిమాలో రజనీ రోబో, అమీ జాక్సన్ రోబో క్యారెక్టర్ల మధ్య రొమాంటిక్ సీన్లు ఉంటాయని తెలుస్తోంది.