మునగాకు అద్భుతమైన మూలికా సప్లిమెంట్

మునగాకు, కాడలు అనగానే ఎక్కువగా చాలా మంది శృంగార సమస్యలను మాత్రమే దూరం చేసేందుకు అనుకుంటారు. కానీ, పచ్చిగానే కాదు వీటిని పొడి చేసి కూడా చాలా రకాలు ఉపయోగిస్తున్నారు. దీని వల్ల ఎన్నో లాభాలు కూడా ఉన్నాయి. ఈ ఆకులతో తయారుచేసిన టీ ఇప్పుడు చాలా ఫేమస్ అయిపోయింది. మోరింగా టీ అని పిలిచే ఈ డ్రింక్‌తో కిడ్నీల్లో రాళ్ల సమస్య తగ్గి కొవ్వు కూడా తగ్గిపోతుందని చెబుతున్నారు. ఎక్కువగా మునగకాడల్ని చారు, సాంబారు, కూర, పచ్చడి ఇలా ఎన్నో రకాల వంటకాలు చేయడానికి ఉపయోగిస్తూ ఉంటారు. అయితే ఈ కాడలతోనే కాకుండా మునగ ఆకును కూడా వంటల్లో వాడతారు. అయితే, కాడలు వాడినంతగా ఆకును మాత్రం వాడరు. కానీ, మునగ ఆకు కూడా ఆరోగ్యానికి మరింత మంచిది. ఇది కాలేయంలో చేరిన విష పధార్థాలను బయటికి పంపిస్తుంది. ఇంకా మూత్రాశయంలో రాళ్లను కరిగిస్తుంది. ఇన్ని లాభాలు ఉన్నాయి కాబట్టే..ఇప్పుడు ఈ ఆకు మిరాకిల్ హెర్బ్. సూపర్ ఫుడ్ గా చెబుతున్నారు. ప్రపంచవ్యాప్తంగా ఉన్న ప్రజల ఆహారంలో ఉపయోగిస్తున్నారు. వీటిని పౌడర్స్‌గా చేసి టీ, కాఫీలు చేస్తున్నారు. అందుకే మోరింగా లక్షణాల గురించి ప్రతీ ఒక్కరికీ తెలియజేస్తున్నారు.. వీటిని విరివిగా వాడాలని చెబుతున్నారు. మోరింగ లో అనేక ముఖ్యమైన విటమిన్లు, మినరల్స్ ఉన్నాయి. నిల్వ చేసిన విసెరల్ కొవ్వును కరిగించడానికి కూడా సహాయపడుతుంది. టీలో యాంటీఆక్సిడెంట్లు పుష్కలంగా ఉంటాయి. ఇవి ఎక్కువగా పాలీఫెనాల్స్, మొక్కల సమ్మేళనాలు. సింథియా ట్రైనర్ రాసిన ‘హౌ టు లూస్ బ్యాక్ ఫ్యాట్’ పుస్తకం ప్రకారం, “మోరింగ టీ బరువు తగ్గేందుకు బాగా ఉపయోగపడుతుంది. కొవ్వు నిల్వకు బదులుగా శక్తిని ఉత్పత్తి చేస్తుంది. ఆకులలో తక్కువ కొవ్వు, అధిక పోషక విలువలు ఉన్నాయి. ఈ కారణంగా త్వరగా బరువు తగ్గుతారు. రింగా టీ ని డీహైడ్రేటెడ్, గ్రౌండ్ మోరింగా ఆకుల నుండి తయారు చేస్తారు. ఇది రక్తపోటు నియంత్రణకు సహాయపడుతుంది. రక్తపోటును తగ్గించే క్వెర్సెటిన్ ఇందులో అధికంగా లభిస్తుంది. అదనంగా, ఇందులోని యాంటీ ఆక్సీకరణ సామర్ధ్యాల కారణంగా బిపి రోగులకు మంట నుంచి ఉపశమనాన్ని కలిగిస్తుంది. మోరింగ ఆకులు డయాబెటిస్తో బాధపడేవారికి ఉపయోగపడతాయి. ఎందుకంటే ఇందులో యాంటీఆక్సిడెంట్ క్లోరోజెనిక్ ఆమ్లం ఉంటుంది. ఇది కాఫీలో కూడా ఉంటుంది. దీంతోపాటు రక్తంలో చక్కెర స్థాయిలను అదుపులో ఉంచుతుంది. అదనంగా, ఇందులో విటమిన్ సి అధికంగా ఉంటుంది . ఇది టైప్ -2 డయాబెటిస్ రోగులలో రక్తంలోని చక్కెర, రక్తపోటును తగ్గిస్తుందని తేలింది. మోరింగ ఒలిఫెరా కొలెస్ట్రాల్ స్థాయిలను తగ్గించడంలో కూడా సహాయపడుతుంది, తద్వారా ఇది అధికంగా గుండె సంబంధిత సమస్యలను దూరం చేస్తుంది. గుండె జబ్బుల ప్రమాదాన్ని తగ్గిస్తుంది. కాబట్టి రెగ్యులర్‌గా ఈ టీని తాగడం అలవాటు చేసుకోవాలి.. యాంటీఆక్సిడెంట్లు, ప్రోటీన్లు , ఖనిజాలతో నిండిన మోరింగా పౌడర్ అద్భుతమైన మూలికా సప్లిమెంట్. చాలా మంది దీనిని పోషక పదార్ధంగా ఉపయోగిస్తున్నారు. ఉబ్బసం లక్షణాలను తగ్గించడం నుండి తల్లిలో పాల ఉత్పత్తిని పెంచడం వరకూ ఇది అనేక రకాల ఆరోగ్య ప్రయోజనాలను ఇస్తుందని చెబుతున్నారు నిపుణులు.. మోరింగా పౌడర్ నుండి ఎక్కువ ప్రయోజనం పొందడానికి, దాన్ని నేరుగా తీసుకోవటం, మీకు ఇష్టమైన ఆహారాలు లేదా డ్రింక్స్‌తో కలపండి. ఎక్కువగా వేడి చేస్తే పోషకాలు తగ్గిపోతాయి.. కాబట్టి దీన్ని ఉడికించకుండా తీసుకోండి. మోరింగా పౌడర్ ఈ రోజుల్లో ఆన్‌లైన్‌లో, కిరాణా దుకాణాల్లో విస్తృతంగా అందుబాటులో ఉంది. దీనిని ఫిల్టర్ చేసిన నీటిలో మరగబెట్టి, ఆ తర్వాత ఫిల్టర్ చేయాలి. . అయితే, మీరు బ్రాండ్లు, ప్యాకేజ్డ్ పౌడర్‌లను నమ్మకపోతే, మీ ఇంట్లోనే సులభంగా పౌడర్‌ ను తయారు చేసుకోవచ్చు. మీరు చేయవలసిందల్లా కొన్ని తాజా మునగ ఆకులను తెచ్చుకోండి. వాటిని చక్కగా ఎండలో ఆరబెట్టండి , ఆపై పౌడర్ లా చేసుకొని దీని టీ చేసుకోవచ్చు. ఇలా పౌడర్ చేసుకోడానికి మీకు సమయం లేదనిపిస్తే..మీరు ఆకులని కూడా శుభ్రం చేసి, కొన్ని నిమిషాల పాటు వాటిని నీటిలో ఉడకబెట్టి మోరింగా టీ తయారు చేసుకోవచ్చు. ఇన్ని లాభాలున్న మునగాకులని మీ డైట్‌‌లో చేర్చుకుంటే ఎన్నో లాభాలు ఉంటాయి. కాబట్టి మీరూ ట్రై చేసి చూడండి..

Videos

Leave a Reply

Your email address will not be published. Required fields are marked *