సైరా కోసం మారిపోయిన మెగాస్టార్

మెగాస్టార్ చిరంజీవి 151వ చిత్రం సైరా నరసింహారెడ్డి విజువ‌ల్ వండ‌ర్‌గా తెర‌కెక్క‌నుంది. డిసెంబ‌ర్ 6 నుండి ఈ మూవీ సెట్స్ పైకి వెళుతుంద‌ని స‌మాచారం. ఇప్ప‌టికే ప్రీ ప్రొడ‌క్ష‌న్ ప‌నులన్నీ పూర్తికాగా, చిరు కూడా సైరా కోసం త‌న మేకొవ‌ర్‌ని పూర్తిగా మార్చుకున్నాడు. ఫిట్‌నెస్‌పై ప్ర‌త్యేక శ్ర‌ద్ధ పెడుతూ జిమ్‌లో గంట‌ల త‌ర‌బ‌డి క‌స‌రత్తులు చేస్తున్నాడ‌ట‌. ఉయ్యాలవాడ నరసింహా రెడ్డి పాత్రకు కరెక్ట్ గా సెట్ అయ్యేలా మెగాస్టార్ తన బాడీ షేప్ ను మార్చుకున్నారని , తప్పకుండా సినిమాలో ఆయన అందరికి నచ్చేలా కనిపిస్తారని చిత్ర యూనిట్ చాలా నమ్మకంతో ఉంది. 1840 నాటి కథకి తగ్గట్టుగా ఆర్ట్ డైరెక్టర్ రాజీవన్ హైదరాబాద్ లోని అల్యూమినియం ఫ్యాక్టరీ లో వేసిన ఒక సెట్ లో భారీ సెట్ నిర్మించాడు. ఇందులో షూటింగ్ తొలి షెడ్యూల్ మొద‌లు కానుంద‌ని స‌మాచారం. హైదరాబాద్, పొలాచ్చి, రాజస్థాన్‌లతో పాటు పలు భారీ ప్రాంతాలలో భారీ సెట్స్ నిర్మిస్తున్నారు. పీరియాడియకల్ మూవీగా తెరకెక్కనున్న ఈ చిత్రం దాదాపు 150 కోట్ల భారీ బడ్జెట్ చిత్రంగా రూపొందనుందని తెలుస్తుంది. అమితాబ్ బచ్చన్, జగపతి బాబు, కిచ్చా సుదీప్, నయనతార, విజయ్ సేతుపతి ప్రధాన పాత్రలు పోషించనున్న సంగ‌తి తెలిసిందే.

 

Videos

Leave a Reply

Your email address will not be published. Required fields are marked *